Aizawl; MJA Gen. Hqrs.President Pu Vanlalrema Vantawl chuan ‘Mizo te hian engnge kan ngaihhlut a, enge hlu ber tih hi in zawt thin ang u’ a ti. Zirtawpni (ni 5.12.2014) zan a Vulmawi Award, semna Saikuti Hall, Lunglei a neih ah MJA President chu khuallian niin thu hi a sawi a. MJA President chuan Award semna a kalkhawm thalai te hnenah , “In thawmhnaw inbel zawng zawng te leh in chhungkhur khawsak a in zawl tawk em? tih hi kan ngaihtuah a ngai,” tia sawiin ‘I mobile phone man leh i nitin inchhungkhur ei lehin a in hen em? tih te \halaite’n kan ngaihtuah ngam a ngai tawh,” tiin a sawi a MJA President chuan “Ngaihhlut tur dik ngaihlu a, mahni neihphak ang tawk a kan khawsak thiam a ngai a ni’ a ti bawk. Thalai te tan hnathawh tur a tam tih sawiin thalaite chu mahni kut ke a din tum turin a chah a, "Sorkar in thalai te tan hma a la a, sorkar hmalak naah tih ve tur kan nei tih kan hriat a pawimawh a, mahni hna tih tak meuha kan thawk anih chuan zawngtah zuar pawh ni ila, mahni in chhungkhur chu a chawm theih a ni," a ti. MJA President chuan Mizote chu mahni leh mahni inchawimawi thiamlo an ni thin nia sawiin 'tunah erawh chuan media te avangin vantlang chunglam leh chawimawi tlakte chu chawimawina chang kan hre ve ta hi a lawmawm a. Mahni hnampuite kan ngaihsan loh chuan hnamdang ten min chawimawi ngai dawn lo a ni' a ti a. Vulmawi in chawimawi tlakte chawimawina chang an hria chu lawmawm a tih thu a sawi bawk. MJA President hi MJA General Secretary Pu Lalsangzuala Hmar leh Pu Lalhmunzauva ten an tawiawm a, nimin khan dam takin Aizawl an lo let leh a ni.