Thomas Tuchel chuan amah leh a naute chuan  thlir dan thar leh rilru put hmang dang neih an mamawh tih sawiin an chetsualnaah zir ngai an neih tih a pawm. 

    Tun dinhmunah Premier League hmahruaitu Manchester City chu point 12 zetin Chelsea hian an phak lo mek a, table-ah pathumna an hauh mek.

    Tuchel chuan zanin dar 10-a Tottenham an hmachhawn turah tih danglama an awm theih nan a player te chu ni hnih chhung chawlh a pek thu sawiin an danglam deuh tawh ngei a beisei a ni. 

    Tuchel chuan, "Ni hnih chawlh ringawt hian thil zawng zawng a siam tha dawn rih lo tih kan hria, mahse a tangkai ngeiin kan ring. Tottenham nen kan inkhelh zawh lamah player tam zawk chu ni hnih dang chawlh hahdamna hun tha kan siak sak leh ang. Chawlh hahdam hi kan mamawh a, chumi piah lamah kan thil thlir dan leh kan rilru put hmang pawh kan thlak danglam a ngai a ni," a ti. Sawi zawmin Tuchel chuan,"Chelsea hi taksa leh rilru lamah an chau a ni," a ti.  

    Chelsea hian Premier League-a an game hnuhnung paliah chakni hmel an hmu tawh lo a ni.