Bungkawnin league khelh thumah hnehna chang vekin team pali inel zinga sang ber ni chungin final an lut nawn a, an khelh chinah set hnih chiah an hloh a ni. F Lalparmawii'n a chet ṭhat chhunzawmin a vawi thum nan D3 Business Player of the Night lawmman a dawng a, kum thum kal taa an chet sual tawhna siam ṭha turin May 26-ah final an khel ang. Championship hnuhnung ber 2019 khan league-a chak vek chungin final an khel tawh a, rin hlawh viau mah se Durtlang lakah set thum set hnihin an tlawm a ni.

Kananin chak mamawh hle mah se set khat bak an thawk chhuak zo lo va, an khelh hnuhnun vawi hnihah tlawm zawnin final an beiseina a tlahniam ta hle. An khelh hmasak berah set thum faiin champion lai Durtlang an hneh nghal a, a hnuah set khat mah la lovin Bethlehem Vengthlang lakah an tlawm a, league vawi thum khel kim tawhin set li an lak laiin set ruk an hloh a ni. An elpui Bethlehem Vengthlangin kar leh thawhtanni zanah league khar nan tla fel tawh Durtlang an khelhpui dawn a, set la lova an tlawm a nih chauhin Kananin final an lut dawn a ni.

Bungkawn def Kanan (hmeichhia)
- 25-23, 25-22, 21-25, 25-12 (3-1)

D3 Business Player of the Night
- F Lalparmawii (Bungkawn)

Amrit Premium Plus Cement Fan of the Night
- Lalthanpari, Kanan

Player stats : 

BUNGKAWN

F Lalparmawii : point hmuh 21, point hloh 4
Angelli Lalhriatchhungi : point hmuh 5, point hloh 2
R Malsawmtluangi : point hmuh 8, point hloh 7
Lalbiakdiki : point hmuh 4, point hloh 3
FP Lalduhkimi : point hmuh 7, point hloh 7

KANAN

Vardingliani : point hmuh 20, point hloh 8
B Tlangmawii : point hmuh 10, point hloh 7
Lalpekhlui : point hmuh 10, point hloh 12
Esther Hmingthansangi : point hmuh 6, point hloh 12
L Sangzuali : point hmuh 2, point hloh 7

FIXTURE :

May 20, zirtawpni - 
8pm : Chhinga Veng Spikers v Tuichangral (mipa)

May 21, inrinni - 
8pm : Durtlang North v TNT (mipa)

May 23, thawhtanni - 
8pm : Bethlehem Vengthlang v Durtlang (hmeichhia)