Aizawl; Nimin zing khan CM Lal Thanhawla ruahmanna leh thurawn pek bawhzuiin Er. C. Lalrinawma, Chief Engineer PWD Buildings leh Er. Lalhmingliana Chawngthu, SE, PWD Buildings te chuan Aizawl Kanan Veng chhung kawng siamthat ngai laite a hmunah an tlawh. Engineer-te hi Kanan Veng Local Council leh Branch YMA hruaitute'n an tawiawm a bawk a ni. Kanan Veng leh a chhehvel kawng enkawltu lu pahnihte hian Vaivakawn atangin Middle Kanan leh Lower Kanan-te kea kalin an enfiah a, Er. C. Lalrinawma, CE chuan a zualpui thawmthat hna chu kar leh atangin thawh tan a nih tur thu a sawi. Kawng siamthat (resurfacing) erawh working season lo thlen hun October/November thla chhoah thawh a nih tur thu sawiin, "Work scheduled-ah kan thun vek tawh a ni," a ti.