Aizawl: State Level Fire Prevention Committee huaihawtin February ni 12-17,2018 chhung hian Mizoram pumah kangmei ven hapta ‘Fire Prevention Week’ hman a ni dawn. Kumin kangmei ven hapta thupui atan hian ‘Ram tikang lo turin mi tin i fimkhur ang u’ tih chu hman a ni dawn a, hapta hawnna hi naktuk Thawhtanni chawhma dar 11 hian ATI Auditorium-ah neih a ni dawn a, Home Minister R.Lalzirliana khuallian a ni ang. Committee chuan lo hal hun hnuhnung ber atan March ni 15,2018 ni se, hei hi khauh takin LAD lamin kengkawh se an ti a. Lengpui thlawhna tumhmun hnaia awmte chu thlawhna thlawk an tihbuai theih avangin chawhnu dar 3:30 hnu lamah chauh hal nise an ti a. Kangmei veng tha district leh khua te hnenah lawmman pek leh ni se, lawmman pakhatna hi Rs. 50,000 bakah trophy leh certificate ni se an ti a, a endiktu tur tlawmngai pawl an ruat  bawk.