American rapper Kanye West chuan kum 2024-a an ram president thlanna lo awm turah a chuh ve tur thu a sawi leh ta. President a chuh ve tur thu hi a lo sawi chhuak fo tawh a, 2020 pawh khan a lo chuh ve tawh a ni. 

Kum 45 mi Kanye West hian dan kalhin a hming a thlak a, 'Ye' a inti. Social media lamah video a post a, 'Ye 24' campaign a kalpui mek. West hian 2020 khan president hi a lo chuh ve tawh a, campaign te pawh kalpuiin vote 70,000 vel lai chu a hmu ve nghe nghe a ni. 

Kanye West hian kum 2020 inthlan kha chuan a campaign tlai tih a sawi a, rally pawh vawi khat chauh a buatsaih. Kuminah erawh tih tak zetah beih ve a tum tawh dawn a nih hmel a, Milo Yiannopoulos chu campaign manager atan a ruat fel tawh. 
Kanye West hian a khat tawkin boruak a nei ve hat zel a, tun hnai pawh khan Paris Fashion Week-ah kalin, a t-shirt hakah 'White Lives Matter' tih a inziak. Chutih rual chuan a che fuh reng bik lo a, fashion company - Gap, Adidas leh Balenciaga te chuan an thawhpuina an titawp hlawm a ni.