DOWNLOAD OUR APP

Read latest news on your phone
app-store

Kanye West leh Chaney Jones an inthen!

Jun 08, 2022

American rapper Kanye West hian kawppui a thlang fuh thin lo nge, amah zawkin a zir lo - a tawih thar Chaney Jones nen an inthen leh ta tlat mai. Chaney Jones nen hian kumin February atanga inzui tan chauh kha an ni a, Japan-ah chawlh hmanga an zin dun hnu lawkah an inthen thu hriat tur a awm zui leh nghal zat a ni - lerh lutuk hi chu a pawi! 

American rapper Kanye West hian kawppui a thlang fuh thin lo nge, amah zawkin a zir lo - a tawih thar Chaney Jones nen an inthen leh ta tlat mai. Chaney Jones nen hian kumin February atanga inzui tan chauh kha an ni a, Japan-ah chawlh hmanga an zin dun hnu lawkah an inthen thu hriat tur a awm zui leh nghal zat a ni - lerh lutuk hi chu a pawi! 

An inthen chhan hi chiang taka tarlan ni lo mah se, Kanye West hian nula dang a lo hnim hnaih vang nia tarlan a ni. 'DONDA' rapper hian influencer Monica Corgan chu June 5 khan a chuahpui a, cinema an en dun. Hei hi fans lamin an lo hre leh si a, an chanchin hi darh zuiin Chaney Jones nen hian an an inthen phah ta a ni.  

Monica leh Kanye te hian tun lai film lar 'Top Gun: Maverick' an endun a, Monica zawk hian Instagram lamah Kanye West hi a lo mention tel zauh pek a, a buai zo ta a ni ber!

Kum 24 mi Chaney Jones hi Kanye West-a nupui hlui Kim Kardashian nen an inang hle a, an hmel mai bakah an pian thlengin a inang viau mai. Kum 44 mi West hi nupui then hlim a nih avangin hmangaihna lamah a luagliam viau dawn emaw tih laiin an inthen leh ta tlat mai hian mak tih a hlawh hle a, an chanchin hi khawthlang media te titi pakhat a ni leh mek.  

Share now