American rapper Kanye 'Ye' West hi pa chimawm leh nghal ve tak zawng a ni chiang e, buaina neuh neuh a nei ve reng mai -   Twitter lama a thu post avangin a account an tihtawp sak leh tawh! Twitter neitu Elon Musk chuan Kanye West account suspend chungchang hi a tarlang a, dan zawm lote chungah action an lak zel tur thu a sawi bawk. 

Kum 45 mi Kanye 'Ye' West hian Twitter-ah hian a nupui hlui Kim Kardashian leh NBA star Chris Paul te chungchang a tarlang nia sawi a ni a, mahse a post hi paih nghal niin hmuh tur a awm tawh lo. Kim leh Chris Paul te hi an lo 'ck' a ni awm a, West hian a manchhuak niin a insawi - a dik ngei em tih erawh finfiahna a awm lo thung.   

Kanye West leh Kim Kardashian te inthenna chungchang hi tun hnai khan chinfel a ni a, Court chuan Kanye West hi a fate enkawlna thla tin $200,000 pe turin a ti a ni. Hemi hnu lawk hian Kanye 'Ye' West hi phuba lak tumna ni awma ngaih theih turin a che zui ta a ni.