Congress party chuan Inrinni khan Karnataka-a bial 124-a assembly inthlan lo awm turah an candidate tur list hmasa ber an puang a. Chief minister hlui, Siddaramaiah chu Varuna bialah a ding dawn.

Karnataka Pradesh Congress Committee chief DK Shivakumar chu a bial vawn lai, Kanakapura-ah bawk a ding leh dawn.

Deputy chief minister hlui, G Parameshwara chu Koratagere (SC) bialah a ding ang a. Minister hlui, KH Muniappa leh Priyank Kharge te chu Devanahalli leh Chitapur (SC)-ah an ding dawn a; Priyank-i hi Congress chief Mallikarjun Kharge-a fapa a ni.

Party central election committee chuan Delhi-a March 17-a thukhawm chuan candidate tur list hmasa ber hi an pawm a. Committee hi Congress chief Kharge-a’n kaihruaiin Rahul Gandhi pawh a tel a ni.

Congress hi Karnataka inthlan tura candidate tur puang hmasa ber an ni a. Election Commission pawhin chhim lam state-a inthlan tur hi a hun an la puang lo thung.

Sorkar term kal mek hi May-ah a tawp tawh dawn thung.