Khiang a awih hnuah a vawi khat nan Kiara Advani chuan film a chang leh ta a, shooting neiin Jammu & Kashmir lamah hun a hmang mek. Kiara hi musical romantic drama film 'SatyaPrem Ki Katha' ah a inlan a, Karthik Aaryan nen an chang dun a ni. 

Kum 30 mi Kiara Advani hi kum tir lam khan Siddharth Malhotra nen an innei a, media an luah hneh hle a nih kha. Boruak a neih len lai takin film a chang zui a, a hit viau mai thei. A chanpui Karthik Aaryan hi Bhool Bhulaiyaa 2-ah khan hneh sawh takin a inlan a nih kha, Bollywood movie ngainatute tan chuan en ngei chi a ni ang. 

Kiara Advani hian shooting an neihna thenkhat social media lamah a tarlang a, a thlalak atang hian khua a vawt hle tih a hriat theih. 'SatyaPrem Ki Katha' bakah hian a channa 'Game Changer' pawh tihchhuah mai tur a awm a, he film-ah hian RRR star Ram Charan nen an changdun nghe nghe a ni.