Queen dinhmun luah thut thei leh American nu naran pawh ni se, an chhung te chuan fa enkawl dan phung leh duh dan an nei theuh a. Kate Middleton, Duchess of Cambridge-in 2011-a Prince William a neih hnu reilo te khan fa an nei mai a, a hmingah Prince George an sa.

Meghan, Duchess of Sussex-i'n 2018 khan Prince Harry a nei a, 2019 khan an fa hmasa ber Master Archie an nei ve bawk. Heng nu pahnih te hi fa enkawl chungchangah an danglam hle a, Kate Middleton fate chu lalṭhutthleng hnaih zawk an nih laiin, Meghan leh Harry-a fapa erawh American leh England ram khua leh tui niin lal tiang chelh lam an hawipui lo thung. Kate Middleton leh Meghan Markle-i fa enkawl dan chu i han en dawn teh ang.

Kate-i fa pathum te chu mipui hmuh turin an awm

Kate hian pasalah Prince William a neih dawn khan ngaihven a hlawh hle a, British lal chhungkaw tan mawhphurhna pawimawh tak a nei dawn tih a hre bawk. Lalchhungkua hian kum tinin hmun hrang hrangah tih tur pawimawh tak tak hmun 2000 chuang an nei ziah a. An chhungte hian an mimal nun chu mipui vantlang hmaa sawilan fo an duh loh rualin an hmel erawh an hmu zing hle thung. King Charles-a dawta lal tur Prince William-a fa te lal theih dan indawt chu Prince George, Princess Charlotte leh Prince Louis a ni.

Kate-i fate pathum chu mipui zingah hmuh tur an awm fo laiin, Meghan-i fapa erawh mipui hmuh turin a lang manglo thung.

Meghan chuan a fapa Archie chu Royal Family of England member thar a nih  laia a tawnhriat laka humhim a duh thu a sawi a, a nu thi tawh, Princess Diana-i thu hnutchhiah atanga a thil tawn a hmuh hnuah, Prince Harry hian Archie leh a nupui hi thuthang thalo lakah venhim a tum hle a ni. US lama an insawn chungchangah Meghan leh Harry te chuan thuchhuah siamin Archie-a pian hnua chimbuai an nih lohna turin an sahim nan insawn an thlang niin an sawi. 

Kate-i fate Prince George, Princess Charlotte leh Prince Louis-te hian baptisma an chang vek a, George leh Charlotte-te baptisma channaah phei chuan Lalnu pawh a tel ve a ni. The Most Rev. Justin Welby, Archbishop of Canterbury chuan Cambridge-a naupang zawng zawng chu baptisma a chantir vek a. 

Hetih hunlai hian he hmuna khualzin kal phal te chu Prince William leh Kate-te chhungte leh ṭhian hnaite chauh an ni. He hmunah hian naupang pathumte tan professional thlalak pakhat theuh lak a ni bawk.

The Cambridge ten lalna an hnaih tawh rualin Archie a tan chuan a hla rih

Prince Harry hi lalṭhutthleng luah tur zingah parukna a ni a, chuvangin lal atan thlan a nih a rinawm loh. Archie hi an nupa chuan “Master” atan an ruat a, a chhan chu lal hming an pek loh vang a ni. BBC Royal correspondent Jonny Dymond chuan Harry leh Meghan te hian Archie hi formal royal family member anga enkawl an tum loh thu a sawi. Chuvângin, lal nihna pawh bânsan an tum a ni.

Cambridge naupangte hi British an nih laiin Archie chu British-American a ni thung

Meghan hi Los Angeles-a piang ni mah se, Prince Harry hi Royal Family of England-a mi a ni a, London-ah a piang a ni. An nupa chuan Archie chu khawvel nun dan phung pangai anga enkawl an tum a. A pian hnu kum khatnaah England, Canada leh USA-ah te an khawsak pui a ni. 

 Cambridge’s te hi Theme Park leh McDonald’s-ah te an zin fo thin

A interview-naah hian Kate hian a fate’n a naupan lai chanchin a sawi lai hian naupang dangte thil tih thin an hriat a duh a, heng hmun nuam naupang tena an fan thinah te hian an hruai thin a ni. Archie erawh hetiang mipui tamna hmunah hian hruai a ni ve ngai lo. a ni. 

Graham, parenting expert chuan, “Kate hian a fate chu normal life an neih theih nan theme park leh McDonald’s-ah hruai thin in a pawimawhzia, Diana-i ang bawkin a hrethiam tawh a ni!” a ti.