'Roar' hitmaker Katy Perry chuan thawm a rawn nei leh tan tawh a, studio album thar a tichhuak dawn niin khawthlang media te chuan an tarlang. Kum 2020 khan 'Smile' album a tichhuak a, tun hma lama a album te angin a lar lo thung. 

Kum 37 mi Katy Perry hi Las Vegas residency nei turin a inbuatsaih a, hemi hnu hian album hi tihchhuah hi a tum a ni. Tun hnai khan 'The Drew Barrymore Show' ah a inlan a, recording studio a luhchilh leh thuai tur thu bakah World Tour nei tura a inruahman thu a sawi bawk. 

'I Kissed A Girl' singer hi nikum December atang khan Las Vegas residency atan hian ngawrh takin a inbuatsaih a, amah pawh a phur tawh hle. "Show ropui tak nei turin ka inpuahchah mek a, kum 8 mi atanga kum 80 mi inkarten an hlimpui theih tur chhawpchhuah ka tum a ni," tiin Katy Perry hian a sawi.