ZALEN September 25, 2024 : Vawiin chawhnu dar 2:45 vel khan Kawlchaw outpost a duty Police constable Lalmalsawmthanga, New Colony, Siaha chu Chhimtuipui lei (Kawlchaw Lei) atangin a tla, zawn mek a ni.

Siaha Police atanga thudawn danin a chetsual dan chiah hi hriat a ni lo a, thenkhat chuan a zuangthla niin sawi a ni a, tui tam lai a nih bawk si avangin chetlak ngaihna an hre vak lo niin sawi a ni. Social media lama tarlan dan chuan Lalmalsawmthanga hian a zuanthlak hma hian a bula awm naupang te chu a phone a pe niin an tarlang.

Siaha Police te chu SDPO hovin Kawlchaw lam pan hian an kal a, he thu buatsaih lai thleng hian thu hriat a ni lo.