ZALEN Dec. 8, 2025: Municipal Corporation (AMC) chuan Krismas leh Kumthar lo thleng tur puala Aizawl veng hrang hrang kawn leh kawtthler cheimawi tura ngenna a chhuah angin, YMA leh Local Council-te hmalaknain Aizawl veng hrang hrangte chuan kawn leh kawtthler cheimawi hna an kalpui nasa tawh hle.

AMC thuchhuah tarlan danin kumina kawnchei mawi ber lawmman pakhatna hian cheng 2,00,000 an dawng dawn a, pahnihna-in cheng nuai 1,50,000 leh pathumna-in cheng 1,00,000 an dawng dawn a, hemi piah lamah hian veng ti tha zual pasarihin consolation prize cheng 50,000 theuh an dawng bawk ang.

AMC hotute chuan kawn leh kawtthler cheimawi te hi an endik tan tawh a, lawmman hi veng cheitu Local Council hminga pek tur niin, Local Council pakhat huam chhungah hmun pakhat aia tam chei a awm a nih chuan pakhat anga ngaih tur a ni tih an tarlang tel bawk.

#ZalenNews