Aizawl: Road Transport & Highway Minister Mansuk L. Mandaviya chuan Mizoram sawrkar chu kawng siamna atana sum an pekte a nihna anga hmang lo leh ngaihthahah a puh. Nimin khan BJP Mizoram Pradesh Office, Upper Republic-ah thu sawiin MoS for Road Transport & Highway chuan Mizoram sawrkar chu kawng siamna tur atana Central sum pek te a hman dan ah thil dik a awm ngeia a hriat thu a sawi a, duhsak taka central-in sum a pe chungin kawng tha lai a awm mang lo nia sawiin, “Kan sum pek ang hian siam se chuan Mizoram kawng te hi a chhe mai mai dawn lo a ni,” a ti. CADC inthlan a BJP kaihhruai sawrkar din a ni chu lawmawm a tih thu a sawi a, “Mizorama CADC Congress kulhpui ni thin, keinin kan sawm hmasak vang pawh ni loa Congress MDC te thlawpna (support) kan dawng leh BJP sawrkar a rinna an nghahna hian Mizoramah pawh Congress-ah mipuiin rinna an nei tawh lo tih a lantir a ni,” a ti bawk.