Aizawl: PWD Minister Lal Thanzara chuan nimin khan Chanmari atanga Israel Point via Electric Veng kawng siam mek chu a hmunah a tlawh. Kawng siam mekah hian V.Lalliana Building leh MUP Waiting Shed, Dawrpui Veng inkar hi Interlocking Concrete Paver Block (ICPB) hmanga siam a ni a; metre 160 a sei, metre 6 a zau a ni. Interlock block hi Zig Zag Pattern niin, a chhah zawng hi 88mm a ni a, per meter square-ah block 39 hman a ni. ICPB atan hian tui chhe paihna tha a pawimawh avangin tuihawk luan kawr siam that a ni a. Avaia sumsen tur hi NEDP atangin nuai 22 a ni. ICPB hi tui pek ngai lo leh Paver Block phah zawhah motor a tlan theih nghal niin block rem nan hian khawl hman a ngaih loh avangin environmental friendly a ni.