ZALEN Nov 19, 2025 : High Court chuan Aizawl to Lunglei Road kawng siamna cheng vbc 58, nuai 99 (Rs 58,99,00,000/- ) a rang thei ang bera hmang turin a ti.

 JC Lalnunsanga, Advocate-on-Record, Supreme Court-in, fb page-a a tarlan danin, November ni 18, 2025 khan Aizawl to Lunglei Road PIL chu High Court in, a ngaihtuah leh a. Lunglei Thalai Pawl tana ding, thubuai thehluttu ukil lam hian he court Order ni 24.sept.2025 in a tih anga sawrkar in ni 7.11.2025 a an affidavit thehluh ah hian cheng vbc 58, nuai 99 (Rs 58,99,00,000/-) an hmanna kim chang tarlan a ni lo a ti.

JC Lalnunsanga'n a tarlan zel danin, sawrkar chuan an theih ang tawka kawng siam thu te leh cheng vbc 58, nuai 99 (Rs 58,99,00,000/-) chu hman phalna ni 16.10.2025 ah hmuh chauh a nih avangin pawisa la hman a la nih loh thu sawrkarin an sawi chu ngun takin a ngaihtuah a. Sawrkar ukil lamin kawng siamtu tur tender an chhuah theih tep thu a sawi a. Rang taka hmalak chhoh zel an tum thu court hi a hrilh.

Court chuan sawrkar chu khaw that laia a rang thei ang bera tha taka kawng chu siam turin a hriattir a. Kawng siamna tura pawisa pawh a hmanna tur ang thlapa hmang turin a ti a ni.

He case hi kar 4 hnu a ngaihtuah leh turin leh sawrkar chu an hmalak tawhna te court hriattir turin a ti a ni.

He thubuai PIL No. 12 of 2022 ah hian thubuai thehluttu LTP, Lunglei Thai Pawl tan hian JC Lalnunsanga dingin sawrkar tan hian Mary L. Khiangte a ding.

#ZalenNews