ZALEN Jan 12, 2026: ATL Road kawng siamthat hna thawktu, SLT Company te khawl tichhetu nia rinhlelh mi pahnih (Nupa) man an ni. 

Pukpui khawtlang (Local council, YMA leh VDP) hruaitute leh Lunglei Police te chuan nimin khan SLT Company khawl misualin an tihchhiat hi a hmunah tlawhin an enfiah a. A titu ni theia an ngaihte an inah kal chilhin, hmanraw tihchhiat kaihhnawih an hmu a ni. 

Nizan khan Pukpui khawtlang chuan rinhlelh zinga hmeichhia (A nupui) zawk manin, tukinah mipa (A pasal) an man leh niin khawtlang hruaitu ten an sawi.

Khawtlang hruaitute chuan an rinhlelh te chenna inah hian khawl tihchhiat taka hman ang chi pipe leh thildangte an hmu tih an sawi a. SLT khawl a mi ngei a ni em tih chiang lo mahse, a nih rin theih a nih avangin an man tih an sawi. 

#ZalenNews