Aizawl: Tuialhthei harsatna chuan ziaawm lam a pan hret a, Guwahati a\anga a\anga lak a ni mek a, kawng a thui zawk avangin inbanlek ngaihna a awm loh thu leh chu chuan kar leh lawihawl ah nghawng na vak lo a neih tur thu IOC-a thawktu chuan ZALEN a hrilh a. Hetih lai hian R. Lalvena, Secretary & Director, FCS&CA chuan kar leh lamah khuahkhirhna chu ennawna thlahdul hret an tum thu ZALEN palai a hrilh bawk. Petrol pump neitute pawhin Ramnagar Depot a leng lo tuialhthei te chu Mizoram-ah tlan tir theih a nih chuan khamkhawp a awm theih an beisei thu kan palai an hrilh bawk a ni. Petrol pump neitute chuan “Guwahati a\angin tanker \hahnem takin Ramnagar depot-ah tuialhthei an dah reng a, Silchar leh a chhehvel a chawm hrih a. Ramnagar depot a leng lo tanker te chu Mizoram tan tlantir mai nise kan ziaawm khawp ang,” tiin rawtna kan palai an hrilh a. Sawrkarin IOC emaw Assam sawrkar be mai se tha an tih thu an sawi bawk. Hetih lai hian Supply Director chuan “Rikrum thil ah chauh Ramnagar ah kan la thei a, thiar vak vak turin load lak tham a awm lo hrim hrim a, kan dinhmun a zia zel a, kawng a \hat chuan kar leh lamah khuahkhirna hi ennawn kan tum,” tiin kan palai a hrilh thung a ni. PK Borah, Depot Manager Vairengte chuan zawhna chhangin, Ramnagar depot ami chu rikrum thil atana dah \hat a nih thu leh tuialhthei dah ni mahse a tlem thu a sawi a, kawng a ping a nih chuan Mizoram tan a lak theih tur thu a sawi bawk a ni. “Mega Block chhung hi chuan a tam thei ang ber Guwahati a\anga phurh luh kan tum a, duhthlan tur dang a awm lo. Thawh\anni hian Guwahahti-ah tanker 10 a rawn thleng dawn a, Mizoram an pan nghal ang,” IOC-a thawktu chuan a ti a. “Tanker tlan zat en hian Guwahati a\anga phurh chuan inbanlek ngaihna a awm lo a, chuvangin tanker neih belh a pawimawh ber a ni” tiin ZALEN a hrilh bawk. Puja chawlh, Meghalaya, Assam bandh leh Mega Block te a rual deuh thawa a thlen \hawt vangin tuialhthei hi vang a nih thu Borah chuan a sawi a, “ Mega Block ngau ngau chu sawrkar a inring hman kei chu ka ti,” a ti bawk. Director FCS&CA leh pump neitute pawhin Borah thusawi hi an thlawp a, Ramnagar aia Guwahati a hlat zawk avangin chatlak awm zauh theih thu an sawi bawk a ni. Indian Oil Corporation a\ang thudawn danin Inrinni khan tanker litre 12,000 phur 28 a thleng a, Sunday hian tanker 9, Thaw\anni ah 20 beisei leh a ni. Petrol pump neitute chuan tanker an neihsa 100 bakah 30 dang an dil mek tih an sawi a, an neih theih chuan Oil harsatna chuan ziaawm lam a pan thuai theih an ring a ni.