ZALEN Sept. 12, 2024; Tunlain Mizoram nitin mamawh lakluhna kawngpui hle a, chumi nghawng nia ngaih theih turin, state pawn atanga thlai chi hrang hrang chawkluh kawngah harsatna a thleng nia thudawn a ni.

Chawhmeh zuar thenkhatte hnen atanga ZALEN thudawn danin, mamawh chawkluhna pui ber, Vairengte - Sairang inkar kawng a chhiat avangin, duh angin state pawn atanga thlai chi hrang hrang lakluh kawngah harsatna a thlen phah a, hei hian thlai chi hrang hrang man pawh a tih to phah nia ngaih a ni.

Hetihlai hian phai atanga thlai lolut a tlem changin, tualchhung thar chhuah thlai man tisang an tam thin nia thudawn a ni bawk a, hei hian nghawng tha lo tak a nei thin niin thudawnna te chuan an sawi.