Aizawl: October ni 1, 2015 (Ningani) kalta atanga Mamit NGO ten National Highway 44-A chhe lutuk siam that thuai phuta Mamit pawhtu kawngpui an dan chu Zirtawp zan dar 7 khan an titawp. Mamit-a tlawmngai pawl hrang hrang, VC leh political party te hian Ningani chawhnu dar 2 atang khan Rawpuichhip daiah kawngpui hi an dang tan a, NGO te hian kawng siam hna thawktu Gayatri Project Ltd. hnathawh thalo an tih avang leh muang an tih vanga kawng hi dang niin an insawi a, contractor hi chawlhtir (terminate) an phut bawk. Sawrkar ruahmanna angin naktuk hian NGO te leh PWD Secretary ten Aizawlah inbiak an tum a, hei vang hian kawngpui dan hi tih-tawp a ni ta hrih a, inbiakna atanga thu awm dan zelin hmalak zel dan tur a chiang chauh dawn niin thudawnna chuan a sawi a ni.