ZALEN Oct. 7, 2025; Smart City kan sawi a, hma kan la a, hetihlai hian kawngpui dunga hrui inzam hnawk la tam lutuk chu min la ti 'smart' city lo tu langsar tak a tling.

Vengchhung mai ni lo, Aizawl khawpui chhung main road-ah ah hetianga electric/telephone etc. hrui inzam hnawk hi hmuh tur a tam hle a, hmun thenkhatah phei chuan motor lianin a hrut/tai phak hial tur khawp a inzam hnawk pawh hmuh tur a awm.

Hun engemawti lai khan Aizawl DC hmalakna in 'Aizawl Beautification Committee' din a ni a, chungte chuan kawngpui dunga hrui inzam hnawk hi veiin, a felfai zawkna turin langsar takin hma an la thin a, tun dinhmunah pawh hmalakna a awm tho a rinawm nain, a hma anga chakin ruahmanna kalpui a ni lo nge, hmun hrang hrangah khawpui ti lang nalh lo thei khawp hrui inzam hnawk hi a tam hle a ni.