Aizawl: Zirtawpni khan ni 2 awh Mizo Hmeichhe Insuihkhawm Pawl, Kawnpui Block Conference vawi 1 na chu Awithangpa Hall a hman a ni a. Hmingdailova Khiangte, Parl. Secretary chuan khualian niin a hmanpui a. MHIP Day thupui atan “chhungkua fai leh hrisel” tih chu puan a ni. Chawhnu lamah R. Lalbiakdiki, President MHIP Kawnpui Block kaihhruaina hnuaiah, khuallian Hmingdailova chuan Drugs leh HIV hi a hlauhawm zia hre chianga, inven leh fimkhur a ngaihzia inhrilh hre reng ila a duh tih a sawi a, chumi rual chuan mizo te hi hnam tlemte kan ni a, chimral a kan awm mai loh na turin kan hnamah kan chian a pawimawh hle a ni a ti. Thu sawitu dang Sylvie Zomuanpuii Ralte, Chief Judicial Magistrate, Kolasib chuan “Hmeichhe te leh Naupang te himna” tih thupui hmangin, ‘Hmeichhia te leh Naupang te himna tam tak leh tha tak tak dan a awm tawh a, kan himna tur a ni tih hria a hman thiam dan kan zir a pawimawh hle a ni,’ tiin kalkhawm te a chah bawk.