ZALEN Feb 17, 2026 : Kawrthah Forest Division chuan phalna nei loa Teak kit a sumdawngte chhui hna ngawrh lehzuala kalpui chhunzawm zel a ni a. February ni 14, 2026 (Inrinni zan) khan, Zawlnuam khaw bulah phalna nei lova Teak thing lakkhawm phur tractor pakhat man a ni a, thingru tute hi an tlanbo hman a ni.

Kawrthah Forest Division chuan Mizoram leilung leh ramngaw hausakna venghima, humhalh turin theihtawp a chhuah zel a. Hemi kawngah hian mipuite thlawpna leh bengvar chhuahpuina a ngen a. Dan lova thingkih leh phurh te, forest produce engpawh phalna nei lova sumdawn nana hmang hriate chuan mahni awmna hnaih her Range Office-a report turin a ngen bawk a ni.

#ZalenNews