ZALEN Sept. 10, 2024; Mamit district chhung, Chungtlang khaw ram chhungah 'Keipui' nia hriat hmuh a ni a, huan/ram kal turte an tim phah deuh nia thudawn a ni.

Chungtlang khua atanga ZALEN thudawn danin, August thla laihawl vel khan rubber huan hnathawk, hnam dangten Keipui nia hriat hi an hmu a, fiah vak loin a thla pawh lak a ni.

Hemi hnu tun hnai mai pawh khan Chungtlang khaw thenawm ram kalten kawng chhak lam a pan lai an hmu leh bawk a, Chungtlang khawtlang hruaitute leh Forest department lamin hmuh a nihna hmun hi kal chilhin a hniakte an enfiah a ni.

Keipui nia hriat hi Dampa Tiger Reserve atanga chhuak a nih rinna a awm a, chiang taka hriat theih erawh a la ni lo.

Keipui nia hriat hmuh a nih avang hian Chungtlang khuaa lo/huan kal turte chu mahnia kal an tim deuh rih niin thudawnna chuan a sawi a, chiang taka hmuh a la nih loh avangin han hlauh viau ngaihna pawh mipui nawlpui tan chuan a la awm lo niin an sawi.