DOWNLOAD OUR APP

Read latest news on your phone
app-store

Kendall Jenner leh Devin Booker an inthen!

Jun 23, 2022

American model Kendall Jenner leh basketball star Devin Booker te chu kum hnih an inzui hnuah an inthen ve leh ta. Kendall leh Booker te hi June 2020 atang khan an inzui ta a, an inhmeh bawk nen an chanchin hian ngaihven a hlawh thin hle - mahse, tunah chuan an mahni hna tul ve ve buaipui turin an intha then ta rih a ni. 

American model Kendall Jenner leh basketball star Devin Booker te chu kum hnih an inzui hnuah an inthen ve leh ta. Kendall leh Booker te hi June 2020 atang khan an inzui ta a, an inhmeh bawk nen an chanchin hian ngaihven a hlawh thin hle - mahse, tunah chuan an mahni hna tul ve ve buaipui turin an intha then ta rih a ni. 

Kum 26 mi Kendall Jenner hi khawvela model lar berte zinga mi a ni a, a eizawnna lamah a buai ve hle thin ang tih a rinawm. Chutiang bawkin kum 25 mi Booker pawh infiammi a ni a, Kendall nen hun an hmang dun reng thei bik lo. May thla mai khan Kourtney Kardashian leh Travis Barker te inneih hmangin Italy-ah an zin dun a, hemi hnu hian hmuh dun tur an awm zui ta meuh lo. 

Nikum June khan an anniversary pualin social media lamah an thlalak dunna an tarlang a, hei hi tum dangah hmuh tur a awm zen zen lo. Hemi thla vek hian 'Keeping Up With the Kardashians' reunion-ah an tel zui leh a, hemi tum hian Kendall hian an inkar hi a sawi chhuak nghe nghe. 

Kendall leh Devin te hian an hma hun an sawi dun a, an tum dan leh ruahmanna te a inmil chiah loh avangin inthen rih mai hi an tithlu ta niin media thenkhat chuan an sawi. Nikum Valentine's Day mai khan an inzui thu official-in an puang chauh a ni a, an fan te beisei loh lamah thil a thleng ta a ni. 

Share now