ZALEN April 9, 2026 : ZPM Thalai General Headquarters chuan kar tina an kalpui mek NH-06 kawng siam Inspection & Monitoring chu vawiin khan an nei leh a, kawng siamtute coampany te chuan tun thla chhunga zo fel hman turin an inruahman thu an lo hrilh.

Tun dinhmunah 4 Lane in a khawih tel loh tur Khamrang - Sairang hi J. Infratech Pvt. Ltd. leh BR Goyal Pvt. Ltd ten enkawlin, J. Infratech Pvt. Ltd. te hian RCC leh Resurfacing an khawih a, BR Goyal Pvt. Ltd. te hian Black topping & Re-surfacing leh RCC an khawih bawk a ni. Company lam hotute sawi danin ruah in an hnathawh ti khaihlak deuh thin mah se, tun thla chhunga zo fel thei turin an ruahman tih an lo hrilh a, ZPM Thalai chuan an enzui zel dawn an ti.

A hmuna tlawhtu ZPM Thalai General Hqrs Treasurer Lalsangliana Khiangte chuan "Kawnpui - Sairang kawng Mizoram tana chak lakna kawngpui ber hi ZPM Thalai ten kan vil reng chhan chu kan ngai pawimawh em em a, Mizoram-a Company kawng siamtute hi ZPM Thalai chuan rulling tha chakna hmangin Mizo mipuite duhthusam kawngpui, Company in an siam ngei thei nana vil kan ni," a ti.