Mizoram Super League, season 7-ah Play In khel tur zawnna inkhelh hmuhnawm tak an khel chho mek zel a, nizan khan match hnih awmin inkhel hmasa zawkah Khatla TBL chu Keyes-a leh a pawlte Hot shots lakah 84-78 in an tlawm. Match hnihna inkhel-ah Allen-a zarah BCA lamin point 6-in Vikings an hneh bawk.

Inkhel hmasa zawk hi tlai dar 5-ah tan niin Play In lut tura chak mamawh ve ve Mission Veng Hotshots leh Khatla TBL an inhmachhawn. Mission Veng Hotshots tan an foreign player Josua Aaron Keyes chu a chetha hle a, point 32 zet a thun a, amah thlawptu Eddie Zaithanmawia'n point 23 thawk chhuakin K. Lalfakzuala'n point 13 a score ve bawk. Mission Veng Hotshots hian match 7 khel tawhin tum 4 chakin tum 3 an chaklo a, table-ah pahnihna niin point 11 an nei mek. 

Khatla TBL lam hian match 6 khel tawhin hneh team 4 nei tawhin team 3 lakah an tlawm tawh thung a, point 10 neiin Hotshots hnuai chiahah an awm. Nizan inkhelhah khan TBL tan an foreign player Levi Bradley Jr. leh Vanlalthazuala te an khel tha a, point 22 ve ve an thawk chhuak a, mahse chak turin a tawk zo lo. Hotshots aia game khata khel tlem zawk TBL hi chak lo mahse next match-ah Hotshots hi an umphak thei.   

                                            Total/ Period 1/ Period 2/ Period 3/ Period 4
Mission Veng Hotshots     : 84         26         23           19          16
Khatla TBL                          : 78         21         19           21          17

Mission Veng Hotshots
Josua Aaron Keyes - 32 pts - 15 rebounds - 1 block - 7 assists - 5 steals.
Eddie Zaithanmawia - 23 pts - 10 rebounds - 3 assists.
K. Lalfakzuala - 13 pts - 7 rebounds - 1 assist - 1 steal.

Khatla TBL

Levi Bradley Jr. - 22 pts - 6 rebounds - 1 block - 2 assists - 2 steals.
Vanlalthazuala - 22 pts - 3 rebounds - 4 assists - 3 steals.
Michael Liansanga - 14 pts - 7 rebounds - 1 block - 2 steals.

Inkhel hnuhnung zawk, dar 8:30 inkhelhah Zarkawt BCA lamin bul tan che zawk mahse an hmatawng pathum foreigner Joseph Fredrick Allen, point 30 thuntu bakah Zonunsanga, point 20 leh Lalrina Renthlei, point 18 score tute zarah chak mamawh Vikings an hneh a, khelh 7 khehah tum khat chiah la tlawmin table hmahruaitu an ni chhunzawm.  

Veng thenawm laka tlawm hreh Chanmari Vikings tan Moses Zoremmawia, Michael F. Lalawmpuia leh foreigner Raymond Edward Miller Jr. te an khel tha a, anni pathum hian point 61 thawkchhuakin Vikings team point score hmun thum-a thena hmunhnih zet an thun a ni. Vikings hian khelh 6 khel tawhin point 8 an nei mek a, Play In khel phak turin next match-ah chuan chak an mamawh tawh hle ang.

                              Total/ Period 1/ Period 2/ Period 3/ Period 4
Zarkawt BCA          : 86       24         22          14           26
Chanmari Vikings  : 80       26         16          17           11

Zarkawt BCA
Joseph Fredrick Allen - 30 pts - 25 rebounds - 2 assists - 2 steals.
Zonunsanga - 20 pts - 7 rebounds - 1 assist.
Lalrina Renthlei - 18 pts - 1 rebound - 4 assists - 4 steals.

Chanmari Vikings
Moses Zoremmawia - 24 pts - 4 rebounds - 3 assists - 4 steals.
Michael F. Lalawmpuia - 19 pts - 8 rebounds - 4 assists - 1 steal.
Raymond Edward Miller Jr. - 18 pts - 5 rebounds - 4 blocks - 4 assists.