May 11, 2023; Cyclone Mocha (Mokha) vangin, May ni 13, 2023(Inrinni) leh May 14 (Pathianni) ah Mizoram hmun tinah ruah sur tura ngaih a ni a. Inrinni bikah Mizoram hmun tlemte (isolated places i.e., 1%-25) ah ruah tam tak (heavy rain) sur tura ngaih niin, Pathianni ah Mizoram hmun tlemte (isolated places i.e., 1%-25) ah ruah nasa tak (heavy to very heavy rain) sur tura ngaih a ni bawk.

Directorate of Science & Technology a State Mateorological Centre in khawchin thlir lawkna a tarlan danin, Bay of Bengal tuipui chhim chhak lama cyclone insiam tantir (deep depression) chu tukin zing khan thlipui tak tak (cyclonic storm)-ah a inlet ta a, he cyclone hming hi Mocha (mokha tia lam tur) tih a ni.

Tukin zing dar 8:30 vel khan latitude 11.4°N and longitude 88.0°E, Port Blair atanga chhim thlang lam km 510 vel a thleng. Hmar-hmar thlang(north-northwest) lam pan zelin, zanin zanlai velah thlipui na zawk (severe cyclonic storm)-ah insiam tura ngaih a ni. Chuta tang chuan hmar-hmarchhak (north-northeast) lam panin a kual ang a, naktuk May 12 khian thlipui na tak (very severe cyclonic storm)-ah insiamin, Bay of Bengal Laili thleng tura ngaih a ni.

May 13 tlai lam khian a thawh nat lai ber thleng tura ngaih a ni a, May 14 zingkar atangin na lo tial tial tura ngaih a ni a, Bangladesh chhim chhak leh Myanmar hmar lam tuipui kam hrut tura ngaih a ni. 

Ruah Sur Dan Tur (Rainfall Warning)
He cyclone hian May 13, 2023(Inrinni) leh May 14, 2023(Pathianni) khian Mizoram hmun tinah ruah a thlen tura ngaih a ni a. May 13, 2023(Inrinni) khian Mizoram hmun tlemte (isolated places i.e., 1%-25) ah ruah tam tak (heavy rain) sur tura ngaih niin, May 14, 2023 (Pathianni) khian Mizoram hmun tlemte (isolated places i.e., 1%-25)ah ruah nasa tak (heavy to very heavy rain) sur tura ngaih a ni bawk.

Thli Thawt Dan Tur (Wind Warning)
May 14, 2023(Pathianni) khian Mizoramah thli na vak lo rawn thleng ve tura ngaih a ni a, Mizorama thli tleh nat zawng tur chu darkar khata kilometre 50-60 inkar vel, a nat lai berin darkar khata kilometre 70 vel kai thei tura ngaih a ni.

Mizorama Chhiatna Thleng Thei (Damage Expected)
1. Structure nghet lo (signboard etc) chhia a awm thei
2. Ruah sur nasa avanga kawng chhia, kawng min a awm thei
3. Ruah sur nasa vangin leilung nghet lo khawi lai emaw min palh a awm thei
4. Thing te deuh (balhla kung, thingfanghma kung etc) tlu a awm thei
5. Thlai tlu/chhia a awm thei.