ZALEN October 14, 2025 : P. Lalchhuanawma (53) Serchhip chu Khawibel in a zuk avangin nimin khan a thi. 

P. Lalchhuanawma leh a ṭhiante hian Pathianni tlai dar 3 vel khan an bathlar-a Khawibel lawi chu an hawlh thlà a, khuai hian a zuk a, nâ a tih deuh avangin Serchhip District Hospital panpui nghâl a ni. 

Hmunpui lamah refer niin nimin Thawhtanni tlai khan Aizawl panin an chhuak a, Chhingchhip dai an thlenin a na zual a, Chhingchhip PHC panpui niin, Doctor leh Nurse ten theihtawp chhuah mah se tlai dar 6:25 khan a hliam tur lovin a thi a ni. 

P. Lalchhuanawma ruang hi Thawhṭanni zan khan tlaivarpui niin vawiin chhun dar 12:00 khan vui a ni.