Aizawl: Nimin zing khan Mizoram Bharat Scouts & Guides te chuan Swachh Bharat programme hmangin Aizawl khawpui thenfai hnatlang an nei. Faina beihpuiah hian Aizawl khawpui chhung Unit 40 atangin Cubs & Bulbuls, Scouts Guides leh Rovers & Rangers bakah State Council Member mi 1000 chuang an thawk chhuak a ni. Aizawl khawpui hmun pali Sikulpui- kawn, Republic Kawipui, Dinthar peng leh Millenium Centre atanga tanin kawngpui dunga bawlhhlawh an chhar khawm a. Mizoram Secretariat Annex I, Treasury Square kawt zawlah intawk khawmin a kharna hun an hmang. A kharna hun tawi Than-khuma, State Secretary, Mizoram Bharat Scouts & Guides kaihhruaiah hian khuallian AMC Chairman CT Zakhuma chuan kal khawmte chu rinawm mai ni lovin, rintlak ni turin a fuih.