April 17, 2023; Mizoram sawrkar a Education department hotute chuan, tun dinhmunah khawlum vanga zirna in khar tumna a la awm lo tih an sawi a, school tin te erawh khawlum a naupangte enkawl dan tur (instruction) pek vek an tum.

Education depatment Director Lalsangliana'n ZALEN a hrilh danin, state thenkhat in khawlum vanga zirna in an khar tih an hriatin department lamin an ngaihven a, MIRSAC a Scientific Officer te bepawpin, anni lamin warning an la dawng loh thu te, mihring tana tawrh zawh loh leh hlauhawm tur ala awm rih lo an ti a, mithiam te ngaihdan an lak atangin tun dinhmunah chuan zirna inkhar tumna a la awm lo.

Hetihlai hian outdoor games nei lo turte, naupangte pawh class room a awm tir tur te, tui in tam tir turte leh taksa inveng tura hriattirna (instruction) school tin te pek tum an ni.