October 6, 2023; Vawiin chhun dar 12 vel khan Chawngtui 'E' atanga Kawlkulh a khawmpui kal tur mi 17 chuanna pik up a chesual a, mi engemawzatin hliam an tuar.

Chawngtui 'E' khaw mite hnen atanga ZALEN thudawn danin, Isua Krista Kohhran (IKK), Khawchhak Division khawmpui a kal turte hian tukin dar 6:30 vel khan an khua an chhuahsan a, Kawlkulh thlen dawn hnaih, Tuimuk leh Tuipui inkar-ah kawng lai a an tlan chu an let a, vanneihthlak takin kawng thlang ah an tla lo.

Pik up ah hian mi 17 an chuang a, hliam an tuar deuh vek a, an zing a mi pali (4) mipa pakhat leh hmeichhia 3 te chu Kawlkulh damdawiin ah admit an ni a, midangte erawh first aid te pek an ni. Damdawiin a admit zingah hian dinhmun ngaihtuahawm lutuk an awm lo nia thudawn a ni.

An chetsual avang hian khawmpui ah pawh an tel thei dawn ta lo a, Khazawl damdawiin a admit te hi Champhai damdawiin lam a sawn an dil a, an remtih chuan ambulance in Champhai an pan ang.