Football game-ah hian goalkeeper dinhmun hi a pawimawi ber hial awm e. Khawvel team tha ho chuan goalkeeper tha tak tak an nei thin a, hlawh tam tak tak an hlawh thin a ni.

Khawvel-a goalkeeper tha ber ber 5 CIES Football Observatory te thlan chhuah hi han en chhin la i pawm zawng a ni ve em?

#5 Aaron Ramsdale (Arsenal)
Mi tam zawk chuan Sheffield United atanga Arsenal-in Aaron Ramsdale £30 million zeta an lakluh kha an ngaihven kher awm lo ve. He sap pa hian Gunners a zawm hnu hian ropui takin a khel zawm a ni.

Shot tha tak tak a save bakah timing dik lutuka a che thin chuan a team te a chhan nasa hle a, season liam taa a chet danah kha chuan Ramsdale hi Arsenal chhandam tur a rawn kal ang hial ngaih theih a ni. Premier League-ah clean-

Ramsdale hi 2022-23 season hian a pawimawh zual dawnin a lang nghe nghe a, a chhan chu Gunner hian a chhe berah Champions League khelh phak ngei an duh dawn a ni. Kum 24 a upa goal keeper Ramdale-a hlut zawng hi €51.2 million bawr a chhut a ni.

#4 Thibaut Courtois (Real Madrid)
Real Madrid hian season liam ta 2021-22 kha an hmang tha hle a, La Liga an champion bakah UEFA Champions League nomawi an chawi a ni. Hetiang dinhmun an din theihna tur hian player thawhhlawk tak tak an awm rualin Thibaut Courtois hi a thawhhlawk leh pawimawh ber pakhat a ni. 

Belgian goalkeeper hi a bikin Liverpool nen Champions League final an khelh tum khan a chetha em em a, beisei loh tak tak a save nual a ni. La Liga league level-ah chuan Courtois hian clean-sheet 16 zet a nei a, league a a chetthat ber tum hnihna a ni nghe nghe.

Champions League final an khelh tuma a chet dan Liverpool star Salah pawhin,"Real Madrid nena final kan khelhah khan chak kan phu zawk a, chance pawh kan ngah zawk. Clear chance tum 3 lai ka nei chungin Thibaut Courtois-a'n min lo dan sak zel a ni," a ti hial. 
    Kum 30-a upa goalkeeper hi a kum a tam ve tawh hle nain €62.4 million a hlu la niin La Liga goalkeeper zinga hlu ber a ni bawk. 

#3 Ederson Moraes (Manchester City)
Kum sawm liam ta chhung khan Manchester City hian hlawhtlinna tam tak an tawng a, he dinhmun an thlen theihna tur hian an top player ten an thawhhlawk hle a ni. Chung player pawimawh bik zinga pakhat chu Ederson Moraes hi a ni a, a ni hian 2017-18 season khan City hi zawmin club dang a melh ta rih lo.

Brazilian goalkeeper hi a passing leh shot-stopping velah a that em vang hian Pep Guardiola duhthusam a tih hial ngam awm e. Citizens tan Premier League tum li a chawipui tawh a, Ederson a hi City himna kulhpui pawimawh tak a ni. 

Kum 28 mi goalkeeper hian season liam tak khan clean-sheets 20 zet a nei a, a pass accuracy pawh 89.6% zet a nei a ni. Ederson hi tunah €65.2 million man bawr vel a ni a, Premier League champion tana player pawimawh leh tangkai tak a ni mek

#2 Alisson Becker (Liverpool)
Premier League hi goalkeeper thenkhat tan chuan malsawmna a ni hial awm e. chung zingah chuan Alisson Becker pawh hi a tel ngei a ni. Liverpool goalkeeper hian an club hi kum 2018-19 season khan a zawm tan a ni.

Reds tan season li chhung zet Alisson hian goal a veng tawh a, a thiam vangin a club hi hlawhtlinna tam tak a chawi pui tawh a ni. Season lian ta Premier League-ah khan clean-sheet 20 zet a nei thei a ni. Brazilian leh Ederson Moares te chu Golden Glove hlan an ni nghe nghe a nih kha.

Alisson Beckerhi hian Liverpool tan Champions League final, FA Cup final leh Club World Cup final-ah clean sheet 20 zet a nei a ni. Premier League leh the Copa América lamah Golden Glove a hlawhchhuak tawh bawk. 

Tunah kum 29-na hmang mekin an coach Jurgen Klopp chuan a ring hle a, season thar-ah pawh Reds tana goalkeeper rinrawl a nih leh ngei hmel bawk. Season liam taa FA leh Carabao Cup-ah te Liverpool an champion theihna kawnga thawhhlawk em em Alisson hlutna hi €68.4 million vel ni a chhut a ni.

#1 Gianluigi Donnarumma (Paris Saint-Germain)
Paris Saint-Germain hi transfer hun liam tak chhung khan an che na hle a, player tha eng emawzat an lei khawm a ni. chung zingah chuan Gianluigi Donnarumma tel ve-in free transfer-in an la la zui.

Hliam-in a tihbuai Italian goalkeeper chuan veteran goalkeeper Keylor Navas lakah club tana goal ven zawkna hun tha chu a nei nghal vat. Donnarumma hi a pa lian hle a, kawng tam takah a chhawr tangkai hle. 

Kum 23 a upa hi season lo awm tur hian team tan a pawimawh zual tura ngaih a ni. Paris Saint-Germain tan Ligue 1 leh Champions League lamah keeper pawimawh tak a ni chho leh ngei  tura ngai a ni bawk a, Gianluigi Dnnarumma hlutna €73.7 million niin khawvel-a goalkeeper zinga r zuar erawh an iin gnaitlawm thei hle a ni..