Global Finance chuan kum 2022-a khawvel khawpui hrang hrang chen chakawm, nuam leh manhla ber ber 20 a thlang chhuak. Khawpui chen chakawm ber an thlan hi tehkhawng hrang hrang chi 8 zet hmang a endik a ni.  

Khawpui chhunga mihring chengte mizia leh chelvak hmanga endikah hian an ngaih pawimawh zualte chu pawisa lam (economy) te, hnam zia (culture) te, mi cheng zat (population) te, chhehvel (environment) te leh a dangte. Kumin endikna bikah hian ram chhunga Covid-19 kai mi Sangkhat zel atanga mithi tam dan endik tel a ni bawk. Heng data te hi Global City Power, index, Johns Hopkins University, Statista leh Macrotrends atanga lak khawm a ni. 

Kumin a pakhatna hauhtu London, UK khawpui san chhan ber pakhat chu an culture te, khawvel hmun hrang hrang atanga kal pawhtu an ngah vang te leh an population than dan a that vang a ni ber a, Covid-19 endikna lamah erawh point an hmu sang vak lo. Tokyo chu pahnihna niin an point paihna lian tak pakhat chu population lamah a ni thung. Pathumna chu Shanghai khawpui a ni a, an thlan chhan bul ber pakhat chu Covid-19 vang niin kai leh thi an tlem vang bakah an population than dan a fuh vang a ni. Singapore chu palina niin Melbourne chu pangana a ni thung. Nikum lama pakhatna dinhmun luahtu Auckland, New Zealand erawh kuminah a lang phak ve lo. 

Khawpui chen chakawm 20 te chu:
1. London, United Kingdom
2. Tokyo, Japan
3. Shanghai, China
4. Singapore, Republic of Singapore
5. Melbourne, Australia
6. Sydney, Australia
7. Paris, France
8. Beijing, China
9. New York City, United States
10. Amsterdam, Netherlands
11. Hong Kong, China
12. Dubai, UAE
13. Seoul, South Korea
14. Copenhagen, Denmark
15. Toronto, Canada
16. Berlin, Germany
17. Helsinki, Finland
18. Stockholm, Sweden
19. Zurich, Switzerland
20. Vienna, Austria