Forbes World Billionaires List 2024 tihchhuah tharah India pa hausa tawntaw Mukesh Ambani chu top 10-ah a vawi khat nan a lang. Ambani hi Asia khaw mualpuia hausa ber a ni a, tun hnaiah India mi tho Gautam Adani nen an in leh pel zak zak thin anga sawi a ni a, mahse Forbes list-ah erawh Gautam Adani hian a pha ta lo hle a ni. 

Reliance Industries Ltd. neitu kum 66 mi Mukesh Ambani hausakna hi US dolar tlukehdingawn 116 ($tld 116) zet a ni a, khawvel huap ang pawhin 9-na a hauh phak a ni. Hetih lai hian Gautam Adani hausana hi $tld 84 a ni a, Shiv Nadar ($tld 36.9), Savitri Jindal & Family ($tld 33.5) leh Dilip Shanghvi ($tld 26.7) ten an dawt a ni. 

Kumin chhungin India bikah billionaire ni thar mi 25 an awm a, ram puma billionaire awm zat pawh 200 a kai chho ta a ni. Nikum khan billionaire hi mi 169 awmin, mi tharte nena an hausakna belhkhawm hi $tld 954 a tling phak a ni. 

Khawvel pumah billionaire 2,781 an aw, a, chung zinga mi 141 te chu mi thar an ni. An vaia hausakna belhkhawm hi $14.2 trillion niin, kum 2023 aiin $2 trillion in a tam zawk a ni. 

Khawvela hausa ber nihna chelhtu chu Bernard Arnault & family niin, an hausakna hi $tld 233 a tling - an sang fal hle. Pakhatna dinhmun inluah chawk zak zak - Elon Musk ($tld 195) leh Jeff Bezos ($tld 194) te pawn an pha lo rih hle. 

Khawvela hausa zual top 10

1. Bernard Arnault & family - $tld 233

2. Elon Musk - $tld 195

3. Jeff Bezos - $tld 194

4. Mark Zuckerberg - $tld 177 

5. Larry Ellison - $tld 141

6. Warren Buffett - $tld 133

7. Bill Gates - $tld 128 

8. Steve Ballmer - $tld 121 

9. Mukesh Ambani - $tld 116 

10. Larry Page - $tld 114