ZALEN July 13, 2026 : Dr. Hannah Lalhlanpuii’n naupang lehkhabu a ziah 'Songs of Freedom: Postcard from the Lushai Brigade' chu khawvel huap IBBY Honour List 2026-ah India aiawh turin thlan a ni.

He list hi naupang lehkhabu lama chawimawina sang ber pawl a ni a. Kuminah hian ram hrang hrang 59 atangin lehkhabu tha ber ber 191 an thlan chhuah zingah a tel phak a, kum 70 chhung vel zet an lo tih tawhah a tam ber tum a ni nghe nghe.

He lehkhabuah hian kan pi leh pu, Lushai Brigade-te chanchin a ziak a, khawvelin kan Mizo history ropuite an hriat phah dawn a ni.

August 8, 2026-ah hian Ottawa, Canada-ah 40th IBBY World Congress pualin Honour List Ceremony neih a ni dawn a, chutah chuan honorary diploma a dawng ang.

October 2026-a Frankfurt Book Fair leh April 2027-a Bologna Children’s Book Fair-ah te pawh pho chhuah a ni bawk ang.