China chuan Japan lehpelin khawvela lirthei thawn chhuak hnem ber nihna an hauh ta tih Japan Automobile Manufacturers Association (JAMA) chuan an tarlang. Kum eng emaw zat chu Japan hian 'ber' nihna an hauh thin a, China ral lianin a rawn luahlan ta a ni. 

China Association of Automobile Manufacturers (CAAM) tarlan danin China hian kum 2023 chhung khan lirthei chi hrang hrang maktaduai 4.91 zet an thawn chhuak a, khawvela lirthei thawn chhuak hnem ber nihna an hauh thar. Japan chuan dawtin maktaduai 4.42 an thawn chhuak a, an inthlau lutuk lo. Hetih lai hian China Custom Bureau chuan an ramin kum khat chhunga khawvel hmun danga lirthei a thawn chhuah zat hi maktaduai 5.22 niin an tarlang thung. 

China hian electric car siam chhuah kawngah nasa takin hma a la a, hei hian nasa takin lirthei siam chhuah kawngah a pui a ni - Japan erawhin hybrid lam a uar thung.