Organising Committee Chairman Lalmawizuala Sailo chuan volleyball hmasawn zenna turin Pro Division club 12-in Khawzawl-ah Mizoram Volleyball Association (MVA) Cup an khel tur thu sawiin MVA Pro Division enkawl thu a sawi bawk a, tun season-ah mipa team 6 leh hmeichhe team 7 chiah an enkawl thu a sawi. 

GIG Motors MVA Cup-ah Bungkawn hmeichhe team tih loh an tel vek dawn a ni.

Mawizuala chuan Mizoram hmun hrang hrang a volleyball an khel nasa thu leh hmasawnna huam zau zawk a awm theih nan leh tihlar zel nan MVA Cup chu hman an duh thu a sawi a. 

Pro Volleyball League turah hian LPS Vision nen an thawk dun dawn a, Aizawl pawna tournament awm tawha Mizoram cable TV-in live telecast-a an khel hmasak ber tur a nih thu MVA chuan an sawi.

TNT, Chhinga Veng Spikers, Hunthar, Durtlang North, Tuichangral leh Tuipuiral-in mipa champion nih an inchuh ang a, Power Department Sporting Club, Durtlang, Armed Veng South, Luangmual, Kanan leh Bethlehem Vengthlang-in hmeichhe title an inchuh thung ang.