ZALEN September 21, 2025 : ndian Medical Association (IMA), Mizoram State Branch hmalaknain Mizoram Government Doctors' Association (MGDA), Indian Dental Association, Mizoram leh ZMC Faculty Doctors Association (ZFDA) tangkawpte chuan September 19 leh 20 ah te khan Khawzawlah Free Clinic an buatsaih.

Free Clinic-ah hian damlo 5,640 zet an inentir a, inentirte hi medicine 667, surgery 232, ortho 472, nephro 150, obs & gynae 373, ENT 351, derma 684, chest medicine 99, psychiatry 78, cardiology 272, dental 150 leh paeds 307 an ni a. Mi 110 chu endoscopy tih niin, USG tih hi 380 an awm a, kala lungte awm 73 leh phinga lungte awm 51 an inentir bawk a ni.

Natna leh that lohna chi hrang hrang hmuh chhuah a awm teuh a, a thlawnin damdawi chi hrang hrang cheng nuai 3.5 man hu an sem a ni.

He Free Clinic-ah hian doctor 55 bakah thawktu dang 17 an thawk chhuak a ni.