Khua a lum : Boruak a bawlhlawh
![](/storage/news/post/JNoE6LyqjcMFLZL2MCSSgzzBerzD51phsr1IqOSx.jpg)
April 17, 2023; Mizoram Pollution Control Board (MPCB) chhinchhiah danin, khaw lum a zual mek karah boruak pawh tum dang aiin a thianghlim lo zual a. Hriselna lam tha lo deuh leh thawk lama harsatna neite tan chuan harsatna thlen thei a nih avangin pawn chhuah tam loh emaw, hmaituamna hman a tha tih MPCB thawktute chuan an sawi.
Nimin khan Aizawlah boruak thianghlim lam chu a tehna ah, 130 a kai a, nikum tun ang hun a boruak thianghlim dan nen a inthlau hle.
Tun hnaia khaw lum zual mek karah boruak pawh tum dang aiin a thianghlim lo zual tih MPCB chuan an chhinchhiahna atanga a lan thu an sawi a, nimin ah khan boruak thianghlim lam chu a tehna ah 130 kaiin, Air Index Quality standard tehfung indawt danah, a pathumna, Moderate category a kai pha a, hei hi state dang khawpuite ai chuan la hniam hle mahse, nikum tun ang hun thoa Aizawl khawpui boruak thianghlim lam chu, a tehfung a pakhatna, Good Category, a tehna a 50 hnuai lamah a awm tih an sawi.
Aizawl khawpui boruak thianghlim loh dan chu tun hnaiah a zual deuh avangin, hriselna lam tha lo deuh leh thawk lama harsatna neite tan chuan harsatna thlen thei a nih avangin pawn chhuah tam a that thu te, an chhuak a nih pawhin hmaituamna hman a that thu te an sawi bawk.
Mithiamte sawi danin, boruak tibawlhlawhtu langsar tak te chu motor khu leh vaivut khu te, lo hal khu te a ni a, hengte a nih vangin motor khu endik a, enkawl that a pawimawh bakah, ram ti kang lo tur a fimkhur te, bawlhlawh hal loh te a pawimawh.
Weather report a a lan danin, vawiin Aizawl lum zawng celsius degree 32 vel a tling a, hetihlai hian nimin lam a Sairang lum zawng chu a san lai ber in celsius degree 41 a tling a, Bairabi leh Vairengte chu 39 bawr vel ve ve an tling.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024