ZALEN September 21, 2025: Mizoramah kum 2020-21 atanga kum kal mek 2025-26 chhungin khuarel chhiatna thleng vanga thi mi 105 an awm.

Disaster Management & Rehabilitation (DM&R) department chhinchhiah danin, hemi hun chhunga khuarel chhiatna thleng vanga thihna hi Aizawl district-ah a thleng tam ber a, an vaiin mi 72 an thi.

Hnahthial district-in dawtin mi 12 an thi a, Lunglei leh Kolasib district-ah mi pali ve ve, Siaha district, Serchhip district leh Khawzawl district-ah te mi pakhat theuh an thi bawk.

Champhai district leh Mamit district-ah mi pathum ve ve, Lawngtlai leh Saitual district-ah mi pahnih ve ve thi an awm.

Heng khuarel chhiatna thleng vanga thi chhungte hnenah ralna mi pakhatah Rs. Nuai li zel pek an ni a, hetih lai hian Kum 2025-2026 chhunga Champhai district-a thi mi pathumte erawh refugee an nih avangin ex-gratia pek an ni lo thung.