Aizawl: Kum 2020 atanga 2021 inkar chhung khan Mizoramah khuarel chhiatna thleng vangin mi 9 ah thi.

Tunhnaia tihchhuah Mizoram Statistical Abstract 2021 tarlan danin 9 zinga 4 hi leimin vanga thi an ni a, 4 dang hi kangmei vang niin 1 hi thlipui (cyclone) vang a ni. Hemi hun chhung vek hian khuarel chhiatna thleng vanga inhliam mi 7 an awm bawk a, an zinga 6 hi kangmei vang niin 1 dang hi leimin vang a ni.

Report tarlan danin kum 2020-2021 chhung vek hian khuarel chhiatna hrang hrang thleng vangin in 282 chu a chhe vek a, chhiatna hrang hrang hi khua/veng 361 a thleng an ni a. Thlai chinna hmun hectare 376.2 chu a tichhe vek bawk.