Bollywood star Kiara Advani chuan February 6, 2023, Thawhtani hian pasal a nei dawn. A pasal tur hi Sidharth Malhotra a ni a, Bollywood-ah chuan an mikhual lo dun hle. 

Sidharth Malhotra leh Kiara Advani te hian official announcement an la nei lo a, a hun leh ni tur erawh a chiang tawh. Jaisalmer, Rajasthan-ah an inkutsuih dawn a, an senso tur pawh a turu viau dawn a nih hmel. Inneih lawmna hi Inrinni atang khan an tan tawh niin an tarlang a, a pui ber chu naktuk hian neih a ni thung ang. 

Kum 30 mi Mumbai nula Kiara Advani leh Delhi tlangval Sidharth Malhotra te hi hun rei tak chhung an lo inzui tawh a, mahse ualau takin an tilang ngai lo. An inneih tur pawh an puangzar lem lo a nih hmel a, mahse media mite beng a thlen hnuah a darh ta tho a ni. Kiara hi karliam ta mai khan Fashion designer Manish Malhotra nen hmuh dun an ni a, an inbuatsaih nasa viau a nih a rinawm. 

Kiara hian tun hnaiah Bollywood star lar Vicky Kaushal a chanpui a, a film chan leh tur RC15 ah pawh tun lai Indian actor lar Ram Charan nen an chang dun leh dawn bawk a ni. Sidharth Malhotra pawh Mission Majnu-ah khan Radhika Mandana nen an changdun a, Yodha-ah Disha Patani en an inan dun leh bawk ang.