ZALEN February 19, 2026: King of Spices tih a sawi, Saffron chinna leh sawngbawlna, India International Kashmir Saffron Trading Centre (IIKSTC), DUSSU Pampore, Kashmir chu vawiin khan Mizoram Journalist Association (MJA) te chuan an tlawh, Kashmir khaw kiang lawka awm Pampore hi Saffron tana khawvela leilung that ber na a nih thu helaia thawktute chuan an sawi.

India hi khawvela Saffron tharchhuak hnem pahnihna niin Iran a dawt a, chutihrualin Pampore a chin Saffron te hi khawvelah a tha ber a nih thu thawktute chuan Mizoram atanga tlawhtu PIB team te hi an lo hrilh.

Saffron hi IIKSTC te chuan KG 1 hi International market-ah Cheng nuai 4 chuang a nih thu an sawi, spices zawng zawngah a tam ber a ni n ti a, India hian Russia, Czech Rpublic, leh Europe hmar lamah te an hralh hnemna ber a nih thu an sawi a, kum khatah Saffron hi Metric ton 20 chuang India hian a thawn chhuak thin an ti.

Zarda-ah te bakah rimtui chi hrang hrang ei chi leh ei chi lem loh a telh thin Saffron hi Pampore ah hian packing pawh tih nghal a ni.

Pampore a an sawngbawlnaah hian gram khat bottle atanga siam tan a ni a, he bur chhunga Saffron gram khat hi Cheng 385 man a ni a, hemi atanga cheng 300 hi farmer te chan a ni a, 5% hi GST niin packing ah hian Cheng 20 lak a ni. Gram 1 atanga Gram 5 thleng packing hi an kalpui a, a aia tam pawh an hralhchhuak thei bawk.

Pampore hmun hi Kashmir hmun dang nen a boruak leh ruahtui a dawn dan pawh a danglam hran lo a, A hmun san zawngah pawh a rualpui hi an awm tho a, mahse, Pampore Saffron te hi chu khawvel hmun dang te pawhin an tluk lo a, a rim a tak that bakah a rawng pawh a tak tha bik tih thawktute chuan ZALEN an hrilh a, 

Pampore leilung hi Saffron atana Pathian siam bik nia an hriat thu thu an sawi a ni.

#ZalenNews