American rock band KISS chuan an band chanchin tarlanna biopic chu tihchhuah a ni dawn tih an puang. He biopic hi Netflix-ah tihchhuah a ni dawn a, kuminah erawh kan hmu hman dawn lo. 

Rock band hriat hlawh tak KISS hi kum 1973 khan din a ni a, Paul Stanley, Gene Simmons, Ace Frehley leh Peter Criss te chu member an ni. Biopic-ah hian band an din tirh kum li chhung tarlan a ni dawn a, nakkumah tihchhuah a ni ang. 

An band manager Doc McGhee chuan hemi chungchang hi a puang chiang a, kum 2021 atanga ruahmanna an lo siam tawh thu a sawi. 'Rock and Roll All Nite' rocker te hian thawm an rawn nei leh hat dawn a ni a, an chanchin hian ngaihven a hlawh leh sawt dawn tih chiang. 

Biopic an tihchhuah tur chungchangah hian Netflix nen pawh inremn an nei tawh a, an tihchhuah hun leh ni tur tak erawh an la puangzar lo thung - KISS biopic chu kan hmu ngei dawn e.