ZALEN Oct. 17, 2024; Vairengte police ten report an dawn bawhzuiin, ni 11.10.2024 khan EFCI Kohhran sum bo ruchhuaktu a puh, kum 29 mi an man.

Thu lakna Vairengte Aw in a tarlan danin, pawisa rutu a puh hi Zothachhinga (29), State veng Vairengte niin, a kut atangin Rs. 23,500 hmuh let a ni. Vairengte Police Station Case no 48/24 Dt 11.10.2024 u/s 331(3)/331(4)/305(a) BNS hnuaiah thubuai hi ziahluh a ni.

EFCI Kohhran hian One Day meal an siamna a an sum hmuhchhuah chu Ngamrothanga Chhimveng chuan a kawl a, ni 9.10.2024 a inneitute awmloh hlanin rukru hi an inah lutin kawngkapui tala leh steel almira kar chhia in, pawisa Rs. 65,510 a ru chhuak a ni. 

Pawikhawihtu a puh Zothachhinga hi Vairengte police chuan ni 12.10.2024 khan Kolasib Court-ah an thawn a ni.