ZALEN December 10, 2025: Food Civil Supply & Consumer Affairs (FCS&CA) Director Saizikpuii, MCS chuan Mizoram Kohhrante chu Krismas leh Kumthar ruaitheh hunah rawngbawlna atan Commercial Gas hmang theuh se an duh thu a sawi.

FCS&CA Minister hova vawiin gas dinhmun chungchanga Thuthar Thehdartute an kawmnaah Saizikpuii chuan Hotel, Restaurant leh Picnic spotte pawh Commercial Gas hman tir an nih laia Kohhran berin domestic gas an hmang thin chu an vei thin thu a sawi.

Supply Department chuan commercial gas chu domestic gas ang a nih loh vangin awm loh mai mai te a awm ve lo tih an sawi a, Kohhrante pawh commercial gas connection neih theuh tura an duh thu an sawi a, hetihlai hian Kohhran zingah commercial gas connection nei engemaw zat an awm thu an sawi bawk.

FCS&CA Minister leh Director te chuan Kohhran te hnenah pawh commercial gas connection neih theuh tura ngenna siam te pawh an rilru-ah chuan a awm tih an sawi.