Aizawl: Mizoram State Commission for Women buatsaihin Zirtawpni khan Parish Hall, Kolasib ah 'Legal Awareness Programme on Laws related to women' neih a ni a, Kolasib DC R.Zarzosanga chu khuallian a ni. Dr. Lalrindiki T. Fanai, Member MSCW kaihhruaiah hian DC R. Zarzosanga chuan thu sawiin, "India hian dan tha tak kan nei a, hei hi kan hriat a ngai a. Kan inhumhimna tura dan kan neihte hi kan hriat a ngai a. Dan hre tur chuan lehkha kan thiam tel a ngai a, lehkha thiamte hian mitinin chanvo kan neihte leh kan in humhimna tur angte hi hre tura kan bih peih a ngai a ni," a ti. Training turah YMA,MHIP leh VC kalkhawmte hi Sylvie Zomuanpuii Ralte, CJM Kolasib, Member MSCW leh Prof. Lalneihzovi, Member MSCW ten zirtirna an pe a ni.