Aizawl July 2, 2023 : Vairengte, Bilkhawthlir leh hachhek bial Kuhva chingtu Joint Committee chuan Chanchinbu leh Social Media-a, Vairengte leh a chhehvela Myanmar Kuhva kudam 71 aaanga Kuhva Ip 9635 man anih thu tarlan chu man a la ni lo, a, Kolasib DC leh Kolasib SP chuan July 5 thlengin Kuhva chingtute chu lo ngaichang turin an ti.

1.7.2024-a Kolasib DC Conference Hall-a, Kolasib DC John LT Sanga kaihhruaina hnuaiah Kolasib District chhunga Myanmar Kuhva stock-na Godown engemawzat awm chungchang sawiho a ni a. He meeting-ah hian Kolasib SP David Lalthangliana leh DC John LT Sanga, SDPO Vairengte, SDO (C) Vairengte leh Vairengte, Bilkhawthlir, Hachhek Kuhva Chingtu Joint Committee aiawhte an tel a ni.

Vawiin meeting ah hian Kuhva Chingtuten kuhva godown-a Kuhva-ip 9635 man thawm an hriat chu, Kolasib SP chuan man a la nilo a, man tura hmalak mek anih thu leh thudik tawklo anih thu te, che theilo tura survey an neih thu leh man tura hmalak mek anih thu SP hian Kuhva chingtute a hrilh.

Kolasib DC leh SP chuan hnatlang neih ngailo a thenfai thuai an tum thu leh hnatlang nei rihlo turin kuhva chingtute hi an ngen a. July 5, 2024 thleng lo nghak tura ngenin, An ngenna chu zahawm tiin ni 5 hnu lama hmalakna a awmloh chuan resolution an pass tawh angin Kuhva Chingtute chuan kalpui an tum a ni.

Kuhva Chingtuten Sorkar hmalak mekna chu lawmawm a tih thu leh dan lo a Kuhva tawlhte leh Godown a awm mekte, Kuhva Godown-te a rang thei ang bera thianfai thuai turin Mizoram sorkar a ngen nawn leh a ni.

Vairengte, Bilkhawthlir, Hachhek Kuhva Chingtu Joint Committee chuan, Dt.6.6.2024 khan Joint Resolution siamin, 'Mizoram chhunga Dan lo a kuhva lakluh stock-na Godown hmun engemawzatah ala awm niin kan hria a, heng Godown te hi June 30, 2024 ral hmaa titawp vek turin Mizoram sorkar kan ngen a. Sorkar-in Kuhva ro stock-te mana a titawp lo anih chuan Kuhva chingtuten atul angin hnatlang a ko ang,' tih an lo pass tawh a ni.